Вохӯрии аъзоён сари як пиёла чой

Рӯзи 6 ноябр дар Тарабхонаи “Офтобак” аъзоёни ташкилоти барқароркунандагони сохти конститутсионӣ бахшида ба 24-солагии Рӯзи қабули Конститутсияи Ҷумҳурии Тоҷикистон сари як пиёла чой вохӯрӣ баргузор намуданд. Дар онҷо меҳмонон - намояндаи мақомоти иҷроияи ҳокимияти давлатии шаҳр Баҳодурҷон Маҳмудов, раиси Шӯрои собиқадорони шаҳр Солиҷон Раҳимов, командири қисми низомии 04080 полковник Асозода, раиси ташкилоти иштирокчиёни ҷанги Афғонистон Қосимов Орифҷон, раиси ташкилоти бартарафкунандагони оқибати садамаи Чернобил Баҳодурҷон Ғаниев, инчунин меҳмонон аз шаҳру ноҳияҳои вилоят иштирок доштанд. Сӯҳбати меҳмонон оиди дастовардҳои солҳои соҳибистиқлолиятӣ ва пешравиҳои сиёсӣ хеле самимӣ буд.